Plantun de Prouvènço

Pèr coumpara dos planto d'encò nostre

Bromus japonicus & Abies pinsapo

Bromus japonicus

Poaceae Graminaceae

Nom en français : Brome du Japon.

Descripcioun :
L'espangassas-dóu-Japoun es uno erbo de l'an que trachis dins lis ermas, en ribo de camin e de culturo. Es uno planto pulèu raro que dèu èstre un bastard entre Bromus arvense e Bromus squarrosus. Pèr acò tiro de l'un e de l'autre : lis espigau penjon coume pèr l'espangassas, mai soun pu long e mens larg coume li dóu senòbi-de-champ.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 80 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Bromus
Famiho : Poaceae
Famiho classico : Graminaceae
Tribu : Triticeae
Ordre : Poales

Coulour de la flour : Verdo
Petalo : ges
Ø (o loungour) enflourejado : 15 cm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Remarco : B. arvense x B. squarrosus
Mai à jun

Liò : Ermas - Culturo - Camin - Aigo
Estànci : Termoumediterran à Subremediterran
Couroulougi : Paleoutemperado
Ref. sc. : Bromus japonicus L., 1753

Sapin(-d'Andalousìo)

Abies pinsapo

Pinaceae

Àutri noum : Sap, Sapino, Sapi, Abet.

Noms en français : Sapin d'Andalousie, Pinsapo.

Descripcioun :
Lou sapin-d'Andalousìo trachis naturalamen en Espagno e au Marrò. Au nostre es esta planta pèr lou rebouscage. Sèmblo à nosto sapino, Abies alba, pamens li fueio soun estacado tout à l'entour de la ramo coume uno brosso o un escoubihoun dóu meme biais que la serento. Lou bout di fueio soun un pau pougnènt e li bourroun resinous. Coumpara emé lou sapin dóu nostre e emé la serento que li pigno pendoulon.

Usanço :
Dèu agué li mémis usanço que la sapino.